FASNACHT GRÜNINGEN 2023

Bildschirmfoto 2022-10-02 um 20.23.17.png

#letsgohome

Liebi Fasnachtsfründe

Nach 3 Jahr im Exil simer endlich wider zrugg ih eusem alte Neue Dihei. Alti Ziite kehred zrugg doch ih neuem Glanz. Endlich dörfemer ih de neue Mehrzweckhalle Aussergass eusi Fasnacht ihlüüte und fiire. Und das wämer natürlich nöd allei, sondern mit eu allne zäme zelebriere.

Zerscht sind eusi Chliine drah und dörfet miteme coole Programm und vill Konfetti d Fasnacht starte.

Ahschlüssend startemer mit em Dämmerigsumzug dur s schöne Grüenige. S Städtli erwached und zeigt sich vo de schönschte Siite mit allem was dezue ghört ah de Fasnacht. 

De Tag abgschlosse wir mit em legendäre Maskeball.

Es erwartet eu fäzigi Musig vo de Guggene und de DJ dörf natürlich au nöd fehle. Feini Drinks und öpis guets z`Ässe gits natürlich au. Fäschte bis ih d`Morgestunde isch garantiert.

 

NEU 

Das Jahr gits sogar en Ticketvorverchauf für die ganz schnälle, alli Spaatsünder hend d Chance ah de Abigkasse es Ticket z holle. Es hät gnueg für alli.   

Mir freued eus riesig uf villi Köstümierti FasnächtlerInne und uf eh glungeni Fasnacht 2023 bi eus z Grüenige.

Alli Infos inkl. Ticketvorverchauf werdet vorzue ufgschaltet über Social Media und uf de Website.

Bis gli

Eui Fasnachtsgsellschaft

 

Anmeldung:

- Guggen

- Umzug

Hasst du Interesse dich aktiv an der Gestaltung der Fasnacht in Grüningen zu beteiligen?

Wir freuen uns jederzeit über neue Mitglieder und laden dich herzlich ein, bei uns rein zu schnuppern. Du kannst dich Gerne bei unserem Präsidenten Lubi melden. E-Mail